Opinn aðalfundur SFÚ verður á Hótel Borg miðvikudaginn 6. nóvember

Aðalfundurinn, sem er öllum opinn, hefst kl. 16:00 og stendur til kl. 18:00. Sigurður Ingi Jóhannsson, sjávarútvegs- og landbúnaðarráðherra ávarpar fundinn. Aðrir ræðumenn verða Jón Steinn Elíasson, formaður SFÚ, Björg. Á. Þórðardóttir, lögfræðingur hjá Félagi atvinnurekenda, Gunnar Örn Örlygsson, AG-Seafood, og Vilhjálmur Birgisson, formaður Verkalýðsfélags Akraness. Megin efni fundarins verður samkeppnisumhverfi í íslenskum sjávarútvegi.

Í lok fundarins verður boðið upp á léttar veitingar með íslenskt sjávarfang sem meginþema.