SFÚ á fund atvinnuveganefndar vegna makrílfrumvarps


Fulltrúar SFÚ voru boðaðir á fund atvinnuveganefndar Alþingis í dag, föstudaginn 8. maí til að gefa álit sitt á makrílfrumvarpi sjávarútvegsráðherra, 691. máli yfirstandandi þings. Af hálfu SFÚ fóru Þorgrímur Leifsson frá Frostfiski, stjórnarmaður í SFÚ, og Ólafur Arnarson, aðstoðarmaður stjórnar SFÚ, á fundinn.

Þar ræddu SFÚ menn frumvarpið á grundvelli umsagnar SFÚ um frumvarpið, sem send hafði verið til nefndarinnar fyrr í vikunni. Fulltrúar SFÚ lýstu fullkominni andstöðu við frumvarpið og lögðust gegn samþykkt þess þar sem það tæki lítið tillit til annarra hagsmuna en stórútgerðarinnar og tæki ekki mið af því að fleiri en stórútgerðin hafa fjárfest og lagt mikið undir við verðmætasköpun á makríl, sem er nýlegur flökkustofn í íslenskri fiskveiðilögsögu. Þá töldu fulltrúar SFÚ á fundinum það ótækt, og ekki til sátta fallið í greininni, að úthluta með varanlegum hætti gjafakvóta til örfárra fyrirtækja.


Helstu færslur
Nýlegar færslur
Eldri færslur
Leit eftir leitarorðum
No tags yet.
Fylgstu með okkur
  • Facebook Basic Square
  • Twitter Basic Square
  • Google+ Basic Square

Heimasíða SFÚ © SFÚ 2015-2017 | Öll réttindi áskilin