29/3/2020

Please reload

Nýlegar færslur

Skýrsla stóru nefndarinnar frá 2010

20/2/2015

1/7
Please reload

Helstu færslur

Lilja Rafney vill aðgerðir

Síðastliðin þrjú ár hefur gámaútflutningur á óunnum fiski aukist hröðum skrefum. Arnar Atlason, formaður Samtaka fiskframleiðenda og útflytjenda, segir að staðreyndin sé sú að 50-65% alls þess fisks sem fer úr landi óunninn komi frá handhöfum veiðiheimildanna, útgerðarmönnunum sjálfum. Á síðasta ári hafi farið 22.500 tonn af fiski úr landi óunninn sem kom aldrei til uppboðs heldur seldur beint úr landi af handhafa veiðiheimildanna. Þetta magn var komið í 17.000 tonn í upphafi ágúst samkvæmt tölum frá Fiskistofu. „Það er líka aukning í útflutningi á óunnum fiski sem keyptur er á fiskmarkaði og fluttur út í gámum. Það er góðra gjalda vert að atvinnumálanefnd Alþingis hafi tekið þetta mál upp þótt sjávarútvegsráðherra skelli skollaeyrum við. Hann lýsti því yfir degi fyrir fund atvinnumálanefndar að hann hygðist ekki bregðast við þessu,“ segir Arnar. Hann segir að leiða megi líkum að því að úr landi sé að fara ferskur óunninn fiskur sem er um tíu milljarða króna virði á hverju ári. Verðmætaaukningin við vinnslu hér heima ætti að geta verið að lágmarki 20% og jafnvel 40%. Greinin verði því af verðmætasköpun upp á 2-4 milljarða á ári vegna gámaútflutningsins. Arnar segir að það yrði strax stórkostleg bragarbót ef sá fiskur sem aldrei er boðinn til sölu hér innanlands en einungis fluttur út í gámum yrði fyrst boðinn upp innanlands. Helmingur gámafisksins sé aldrei boðinn upp og þannig hafi það verið á undanförnum árum. „Það er um það bil einn starfsmaður á bak við hver 100 tonn. Fari 50.000 tonn óunnin úr landi tapast 500 störf í fiskvinnslu og þó væntanlega mun fleiri með meiri verðmætasköpun úr auðlindinni.“